Greqia padyshim ka armë dhe nuk e kam fjalën për armët që rrjedhin nga vetë Marrëveshja, por arma më e madhe që ka është se është “mbikëqyrësja” e kursit evropian të Shkupit. Dhe fakti është se nuk mund të ketë asnjë afrim me Evropën, as edhe një hap, nëse çështja nuk zgjidhet me një deklaratë të qartë të lidershipit të vendit fqinj se ky është emri i shtetit dhe vlen për të gjithë. Domethënë të përsërisin të dukshmen, atë që kanë nënshkruar. Ne nuk po kërkojmë asgjë ndryshe, tha kryeministri grek Kyriakos Mitsotakis për “Sky”.
Mitsotakis theksoi se në çështjen konkrete “Greqia nuk është e vetme dhe ka mbështetjen e të gjithë Evropës”, dhe qëndrimi grek “është absolutisht i kuptueshëm”.
Ai theksoi se Maqedonia e Veriut është anëtarësuar në NATO, sepse çështja e emrit është zgjidhur përmes Marrëveshjes së Prespës.
Ai përsëriti edhe një herë se personalisht ishte kundër Marrëveshjes për shkak të kombësisë dhe gjuhës maqedonase, e jo për shkak të emrit.
“Kjo marrëveshje duhet të respektohet nga fqinjët tanë, sepse ne i duam afër Evropës, nuk duam të grindemi”, tha Mitsotakis./Telegrafi/
Mitsotakis: Marrëveshja e Prespës duhet të respektohet nga fqinjët tanë sepse i duam ata afër Evropës appeared first on Telegrafi.