Në një njoftim të fundit, Ministria e Bujqësisë, Pylltarisë dhe Administrimit të Ujërave bën të ditur për shpërndarjen e subvencioneve për fermerët në fushën e pemëtarisë dhe hortikulturës. Përmbledhtazi, më shumë se 13,000 fermerë do të përfitojnë nga ky fond prej 302 milionë denarë për të ndihmuar në zhvillimin e prodhimit bimor.
Në detaje, kjo masë e fuqizon 6,200 prodhues të kulturave të ndryshme si domate, spec, kastravec, tranguj, lakër, fasule dhe patate, duke përfshirë kultivimin në ambiente të hapura dhe serra. Ata do të përfitojnë nga mbështetja e kopshtarisë, me një shumë prej 20,000 denarë për hektar. Në anën tjetër, mbi 7,240 fermerë që janë angazhuar në prodhimin e kulturave frutore si mollë, kumbull, pjeshkë, vishnje, kajsie, dhe dardha do të përfitojnë subvencionime deri në 30,000 denarë për hektar.
Përveç kësaj, në të ardhmen pritet që të vazhdohet me mbështetjen për prodhimin bimor, duke përfshirë edhe pagën për materialin faror të certifikuar për kulturat bujqësore. Në plan është edhe zbatimi i masave të tjera të mbështetjes për sektorin bujqësor, duke përfshirë subvencionet për blegtorët dhe masat për prodhimtarinë organike. /Telergafi/
Ministria e Bujqësisë e RMV-së shpërndan subvencione prej 302 milionë denarë për 13,440 fermerë në pemëtari dhe hortikulturë appeared first on Telegrafi.