Komunat Kisella Voda, Qendra dhe Mogilla, me mjete nga Projekti i efikasitetit energjetik në sektorin publik dhe Banka Ndërkombëtare për Rindërtim dhe Zhvillim – Banka Botërore, që po realizohet përmes Njësisë Projektuese në Ministrinë e Financave, do të implementojnë masa për efikasitet energjetik dhe modernizim të ndërtesave publike, të cilat do të kontribuojnë në uljen e konsumit të energjisë elektrike, si dhe në uljen e emetimeve të gazrave të dëmshëm.
Marrëveshjet për nënhua dhe grant midis komunave dhe Ministrisë së Financave në kuadër të Projektit të efikasitetit energjetik në sektorin publik u nënshkruan nga kryetarët e këtyre njësive të vetëqeverisjes lokale dhe ministrja e Financave, Gordana Dimitrieska-Koçoska.
Me Komunën e Kisella Vodës u nënshkrua Marrëveshja për nënhua dhe grant për zbatimin e nënprojektit në Komunën e Kisella Vodës, i cili do të përfshijë rindërtimin dhe zbatimin e masave për efikasitet energjetik në SHFP “Rajko Zhinzifov”, gjegjësisht parashikohet rindërtimi i SHFK-së “Rajko Zhinzifov”, me fokus në efikasitetin energjetik.
Në Komunën Qendër, me Marrëveshjen e nënhuasë dhe grantit, do të zbatohet rikonstruimi i efikasitetit energjetik në SHFK “Shën Kirili dhe Metodi”, në Komunën Qendër, shkolla e parë fillore në Maqedoni, e themeluar në vitin 1836.
Gjithashtu, në Komunën e Mogillës, Marrëveshja e nënhuasë dhe grantit përfshin zbatimin e masave të efikasitetit energjetik në tre objekte të sektorit publik, përkatësisht SHFK “Vëllezërit Milladinovci” – fshati Dobrushevë, SHFK “Koço Racin” – fshati Ivanjevcë dhe salla sportive “Iljo Llopatiçki” në Mogillë.
Realizimi i projekteve në këto komuna është brenda komponentit të parë të Projektit, i cili përfshin investimet në efikasitet energjetik në komuna, për të cilat janë siguruar 8.2 milionë euro. Përveç kësaj, ky komponent parashikon edhe investime në efikasitet energjetik në ndërtesat e qeverisë qendrore në vlerë prej 9.21 milionë eurosh.
Objektivi i Projektit të Efiçiencës së Energjisë në Sektorin Publik është të zvogëlojë konsumin e energjisë në sektorin publik dhe të mbështesë krijimin dhe vënien në funksionim të mekanizmit të qëndrueshëm për financimin e efikasitetit të energjisë në sektorin publik.
MF: Kisella Voda, Qendra dhe Mogilla do ta përmirësojnë efikasitetin energjetik me mjete grant dhe nënhua përmes Projektit të efikasitetit energjetik appeared first on Telegrafi.
