Maqedonia e Veriut dhe Britania e Madhe nënshkruan sot në Londër Marrëveshjen e Partneritetit Strategjik.
Zëvendëskryeministri dhe Ministri i Transportit dhe Lidhjeve, Aleksandar Nikolloski dhe Ministri britanik i Ekonomisë dhe Eksportit, Gareth Thomas nënshkruan Marrëveshjen historike Ndërqeveritare për Partneritet Infrastrukturor, me vlerë pesë miliardë paund.
“Tre projekte prioritare janë përgatitur tashmë: lidhja hekurudhore me shpejtësi të lartë përgjatë Korridorit 10, modernizimi i spitaleve dhe ndërtimi i një Fakulteti të ri Mjekësor. Do të vazhdojmë me projekte në energji dhe mbrojtje të mjedisit”, tha Nikolloski.
Bashkëpunimi do të nënkuptojë jo vetëm mbështetje financiare, por edhe një transferim të drejtpërdrejtë të ekspertizës nga administrata publike britanike dhe sektori i biznesit.
Thomas theksoi se të dy vendet janë aleatë të ngushtë brenda NATO-s dhe e vlerësoi bashkëpunimin si një hap të rëndësishëm përpara në marrëdhëniet ekonomike dhe dypalëshe.
Qeveria e RMV-së e miratoi marrëveshjen dy ditë më parë, pasi kryeministri Hristijan Mickoski dhe kryeministri britanik Keir Starmer arritën një marrëveshje në Samitin e Komunitetit Politik Evropian në Tiranë, Shqipëri.
LSDM ka disa kundërshtime dhe kërkon detaje se për çfarë do të shpenzoheshin paratë./Telegrafi/
Maqedonia e Veriut dhe Britania zyrtarisht nënshkruan Marrëveshjen e Partneritetit Strategjik appeared first on Telegrafi.