Bashkimi Evropian (BE) ka miratuar një rregullore të re për menaxhimin e mbeturinave dhe Maqedonia e Veriut është ofruar për të ndihmuar. Vendi tani është në shoqërinë e 23 vendeve të tjera që kanë informuar BE-në se duan të pranojnë mbeturina.
Nga rajoni, Serbia dhe Bosnja e Hercegovina janë gjithashtu të interesuara për importe. Edhe ata gjithashtu nuk janë pjesë e Organizatës për Bashkëpunim Ekonomik dhe Zhvillim.
Sipas “Deutsche Welle“, tani i takon BE-së të vendosë nëse RMV ka kapacitet për të menaxhuar me këto lloj mbetjesh në mënyrë të shëndoshë mjedisore.
“Eksporti i mbetjeve jo të rrezikshme, të njohura si mbetje të “listës së gjelbër”, në përgjithësi do të ndalohet në vendet jo anëtare të OECD-së. Përjashtim nga ky rregull do të bënin vendet që kanë kapacitete që plotësojnë kërkesat për mbrojtjen e mjedisit për përpunimin e këtyre mbeturinave”, thonë nga Ministria e Mjedisit dhe Planifikimit Hapësinor.
Qëllimi është të parandalohen eksportet e paligjshme të mbetjeve nga vendet anëtare të BE-së në vendet e treta dhe në vend të kësaj, të trajtohen mbetjet në një mënyrë që të mos dëmtojë mjedisin.
Sipas eko-aktivistëve në vend, arsyet pse Maqedonia ka shprehur interesim për importimin e mbeturinave nga BE-ja janë të kuptueshme, kryesisht për qëllime industriale. Por dëmet që mund të ndodhin janë ana tjetër e historisë.
Rregullorja e re evropiane hyn në fuqi pas dy vitesh, në maj të vitit 2027./Telegrafi/
Maqedonia e Veriut dëshiron ta importojë mbeturina nga BE-ja, i ofrohet për ta ndihmuar në menaxhimin e tyre appeared first on Telegrafi.