Ministrja e Financave, Gordana Dimitrieska-Koçoska, pati një takim me ambasadorin evropian David Geer, gjatë të cilit bashkëbiseduesit u referuan për reformat që i presin vendit në procesin e integrimit evropian.
Në takim u shkëmbyen mendime për aktivitetet e ndërmarra nga Ministria e Financave si institucion koordinator në kuadër të Dialogut Ekonomiko-Financiar me BE-në, si dhe për Agjendën e Reformës së vendit në lidhje me reformën e re Plani i Rritjes për Ballkanin Perëndimor dhe cilat aktivitete kryhen Ministria e Financave së bashku me Ministrinë e Çështjeve Evropiane.
“Ministria e Financave ka 10 vite që koordinon aktivitetet në kuadër të Dialogut Ekonomiko-Financiar dhe ka vazhdimësi në atë proces. Kjo përvojë do të përdoret në kuadër të procesit të reformës lidhur me Planin e Rritjes së Ballkanit Perëndimor”, tha Ministrja.
Ajo shprehu bindjen se në fokus të punës do të jenë reformat që kanë të bëjnë me Ministrinë e Financave në kuadër të procesit të integrimit evropian, sepse nënkuptojnë edhe avancimin e proceseve dhe afrimin e vendit me standardet e BE-së.
Siç u theksua, BE-ja ka qenë një mbështetëse e rëndësishme e vendit që nga pavarësia e saj dhe se një mbështetje e tillë do të vazhdojë edhe në periudhën e ardhshme./Telegrafi/
Koçoska-Geer: Në fokus do të jenë reformat në financat në kuadër të integrimit në BE appeared first on Telegrafi.
