Drejtori i Fondit Shëndetësor,Sasho Klekovski tha se të gjithë punonjësit që një kohë të gjatë punojnë me kontrata në vepër në spitalet në vend do të marrin vendime pune menjëherë pas zgjedhjeve, më së voni deri në fund të këtij viti.
Ai dha këtë deklaratë pasi vizitoi Spitalin e përgjithshëm të Velesit së bashku me zëvendësin e tij Branko Axhigogov dhe zëvendësministrin e Shëndetësisë Jovica Andovski, duke u përgjigjur në pyetjen e gazetarëve.
“Çështja është se sa shpejt mund të arrihen këto procese në mënyrë administrative, sepse duhet të koordinohen më shumë institucione, por megjithatë pas zgjedhjeve deri në fund të vitit, kemi një përkushtim të qartë për të siguruar që të gjithë ata që kanë punuar me kontrata në vepër të marrin vendime të përhershme dhe kështu të zgjidhin statusin e tyre”, tha Klekovski.
Siç informon Aleksandar Buzalkov, drejtor i IPSH Spitali i përgjithshëm në Veles, në spitalin e Velesit ka shtatë të punësuar me kontratë në vepër.
Shpreson se pas zgjedhjeve do të marrin pëlqim për punësimin e tyre në afat të pacaktuar siç është rënë dakord me autoritetet.
Klekovski: Të punësuarit me kontrata në vepër në spitale do të marrin vendime pune pas zgjedhjeve, më së voni deri në fund të vitit appeared first on Telegrafi.