Kryetarja e Qytetit të Shkupit të Shkupit, Danella Arsovska, deri në fund të kësaj jave duhet të përpilojë plan i cili do t’u prezantohet këshilltarëve në kuadër të Këshillit të Qytetit të Shkuçit, informoi minsitri i Vetëqeverisjes Lokale, Zllatko Perinski, në konferencën për shtyp në Qeveri pas takimit të kryeministrit Hristian Mickoski me Arsovskën.
Ai, mes tjerash, tha se në takimin e sotëm nuk dëgjuan asgjë konstruktive nga kryetarja e Qytetit lidhur me zgjidhjen e problemeve me Ndërmarrjen komunale publike dhe Ndërmarrjen për qarkullim publik.
“Sapo përfundoi takimi mes Qeverisë dhe kryetares së Qytetit. praktikisht mund të them se jemi akoma më të shqetësuar tani, se sa para se të fillojë tkaimi. Shkurtimisht, pritjet tona si Qeveri ishin se nga ana e Qytetit do të dëgjojmë ndonjë plan apo nevoja reale të cilat, ne si Qeveri do të mund të ndihmojmë që ai plan të realizohet. Por, nga ana e tyre nuk dëgjuam asgjë konstruktive”, tha ministri në konferencën për shtyp në Qeveri pas takimit.
Shtoi se si përfundim i përgjithshëm është mungesa e komunikimit mes grupeve të këshilltarëve në kuadër të Qytetit të Shkupit, që, siç shtoi, është një fazë nga pengesat për realizim të projekteve nga ana e Qytetit.
“Prandaj kryetarja e Qytetit propozoi deri në fund të kësaj jave të përpilojë ndonjë plan i cili, para së gjithash, do t’u prezantohet këshilltarëve në kaudër të Këshillit të Qytetit të Shkupit, edhe pse pritjet tona nuk janë të mëdha, më duhet të pranoj, për fat të keq”, shtoi ai.
Ministri Perinski tha se do ta presin propozimin deri në fund të javës dhe në bazë të atij propozimi do të sjellin konkludime.
Kaosi me Ndërmarrjet Publike në Shkup, Perinski: Nuk ka propozime konstruktive nga Arsovska, presim planin e saj deri në fund të javës appeared first on Telegrafi.