Kryetari i Shoqatës së gjyqtarëve, Aleksandar Kambovski pas konferencë gjyqësore “Forcimi i pavarësisë gjyqësore dhe përgjegjësi përmes efikasitetit më të madh të procedurave”, organizuar me mbështetjen e Misionit të OSBE-së në Shkup, tha se dorëheqjet nga gjykatësit dhe prokurorët nuk do të sjellin reforma në gjyqësor.
Ai tha se reformat bëhen me ndryshime të ligjeve.
“Dorëheqjet nuk janë reformë. Këshilli Gjyqësor tani është ndryshuar plotësisht. Kështu e parashikonte Gjykata Kushtetuese Këshillin Gjyqësor, në mënyrë që të mos kishim të gjithë të njëjtët anëtarë.
Nëse duam reformë, atëherë kjo bëhet duke ndryshuar ligjin, duke zvogëluar mandatin, dhe vetëm me ndryshime personeli nuk ka asgjë. Cila është garancia që gjyqtarët e rinj do të kontribuojnë në përmirësimin e gjyqësorit”, thotë Kambovski.
Ai shtoi se mënyra se si janë kryer këto reforma në të kaluarën duhet të ndryshohet, matrica e të menduarit duhet të ndryshohet dhe gjyqësori më në fund duhet të fitojë pavarësinë e tij financiare, të cilën i takon sipas ligjit dhe kushtetutës./Telegrafi/
Kambovski: Dorëheqjet nga gjykatësit dhe prokurorët nuk do të sjellin reforma në gjyqësor appeared first on Telegrafi.