Departamenti për kontroll të brendshëm, hetime kriminalistike dhe standarde profesionale pranë MPB-së ka dorëzuar kallëzim penal ndaj L.R., për shkak të ekzistencës së bazave të dyshimit se i pandehuri ka kryer veprën penale “keqpërdorim i pozitës zyrtare dhe i autorizimeve”, parashikuar në nenin 353, paragrafi 1 të Kodit Penal.
“I pandehuri, si ndihmës i ministrit të punëve të brendshme dhe drejtues i Departamentit për procedura disiplinore dhe gjyqësore, e ka shfrytëzuar pozitën ose autorizimet e tij zyrtare, duke tejkaluar kufijtë e autorizimeve të tij, në mënyrë që për muajt qershor, korrik, gusht, shtator, nëntor dhe dhjetor 2023, bazuar në listat e regjistrimit të orëve shtesë dhe listën e punonjësve nga Departamenti për procedura disiplinore dhe gjyqësore që përmbushin kushtet për pagesën e bonusit për vitin 2023, të cilën e kishte miratuar personalisht, dhe ku ai figuron nën numrin rendor të tij, pa urdhëresa të shkruara për orët e realizuara të punës me të cilat ishte detyruar të kryente punë dhe detyra më shumë se koha e plotë e punës, ka përfituar fonde monetare për punë më të gjatë se koha e plotë e punës në shumën prej 80.134 denarë dhe bonus për vitin 2023 në shumën prej 36.614 denarë, ose një përfitim të paligjshëm total prej 116.748 denarë në dëm të buxhetit të MPB-së”, thonë nga MPB.
