Instituti për politikë evropiane vlerëson se asnjë elitë politike në vend nuk mund të orientohet në drejtim tjetër përveç BE-së dhe NATO-s dhe arsye për këtë, sipas Simonida Kacarskës, është vullneti i qytetarëve dhe lidhja tregtare e vendit me BE-në.
Duke komentuar vizitat e kryeministrave të Serbisë dhe Hungarisë, si vende të afërta me Rusinë dhe Kinën, Kacarska tha se mund të interpretohen në shumë mënyra, por megjithatë Hungaria është kryesuese dhe vendi e ka patjetër të balancojë raportet edhe me Hungarinë, por pa lënë anash proceset që na lidhin me BE-në.
“Nëse e shohim mbështetjen që e kemi për anëtarësim në BE dhe NATO, mendoj se ne nuk kemi shumë hapësirë, në nivel politik, që elita politike të drejtohet në vend tjetër. Kjo është ajo që qytetarët e mbështesin. Gjithsesi, partneritetin me Hungarinë mund ta shohim nga aspekte të ndryshme, me kolegët kemi diskutime, Hungaria është anëtare e BE-së, megjithatë për momentin është anëtare relativisht e izoluar, që e ka kryesimin, kështu që është e qartë se këtu secili shtet, secili pushtet, por edhe ai I kaluari, duhet të balancojë raportet me Hungarinë, këtë do të duhet ta bëjë secili shtet i rajonit…Është e qartë se disa prej sinjaleve tregojnë se ky balancim nuk shkon mjaftueshëm barazueshëm dhe prandaj kthehem te proceset që na lidhin me BE-në, siç për momentin është plani për rritje dhe agjenda reformuese dhe anëtarësimi i ardhshëm do të duhet të punohet më shumë në periudhën e ardhme”, tha Simonida Kacarska, Drejtoreshë e Institutit për politikë evropiane./Alsat/
Kacarska: Jo orientim tjetër përveç BE-së appeared first on Telegrafi.
