Hungaria është partnerja jonë e fuqishme evropiane në përpjekjet tona për arritjen e stabilitetit makroekonomik, në zbatimin e reformave të brendshme, si dhe përkrahëse e fuqishme e integrimit tonë euroatlantik. Huaja bilaterale prej 500 milionë eurove me kushte të favorshme është një hap në avancimin e bashkëpunimit… Kjo u konkludua gjatë takimit të ministres së Financave, Gordana Dimitrieska-Koçoska me kolegun e saj nga Hungaria, Mihail Varga, i cili është pjesë e delegacionit të kryesuar nga Kryeministri hungarez Viktor Orban në Ohër.
“Maqedonia po përballet me shumë sfida. Qeveria e re është marrë me shumë çështje të hapura që nga marrja e pushtetit. Qëllimi është stabilizimi i gjendjes makroekonomike dhe hapërimi i përcaktuar drejt progresit më të madh ekonomik”, theksoi ministrja Dimitrieska-Koçoska.
Ministrja shtoi se tashmë po hartohet buxheti për vitin 2025, me ç ‘rast do të definohen edhe politikat që do të realizohen në periudhën e ardhshme. Do të përkushtohet vëmendje mbi luftën kundër ekonomisë gri, ku priten rezultate të konsiderueshme lidhur me stabilitetin e të ardhurave dhe rritjen e konkurrencës së ekonomisë. Në këtë drejtim, me rëndësi është vendosja e e-faturës.
Në këtë takim, bashkëbiseduesit kanë shkëmbyer mendime lidhur me politikat tatimore, tatimin global, përkrahjen e sektorit të bujqësisë, si segment sinjifikativ, pagesën e subvencioneve, si dhe ballafaqimin me inflacionin. Gjithashtu, ministrja theksoi se do të krijohen zgjidhje që do të sjellin kushte të favorshme për biznesin.
Duke theksuar se qëllimi është arritja e progresit ekonomik të vendit, si dhe standardi më i lartë për qytetarët, në vazhdim theksoi se Hungaria është partnere e fuqishme në arritjen e qëllimit tonë, ndërsa shkëmbimi i përvojës së tyre në zbatimin e reformave të ardhshme do të jetë i rëndësishëm. Njëkohësisht, Dimitrieska-Koçoska falënderoi Hungarinë për ndihmën e dhënë prej gjysmë miliardi eurosh, si hua me kushte të favorshme.
“Kemi shumë mundësi të hapura për avancimin e bashkëpunimit të ndërsjellë, veçanërisht atë ekonomik. Huaja bilaterale është përkrahje e madhe në rrugën tonë për zbatimin e reformave dhe për stabilizimin e gjendjes sonë makroekonomike. Kjo çështje është vetëm fillimi i bashkëpunimit më të gjerë ekonomik që do të zhvillohet mes dy vendeve”, theksoi ministrja.
Në takim u konfirmua përkushtimi për vazhdimin e agjendës reformuese të vendit drejt anëtarësimit të plotë në BE dhe se në këtë drejtim Hungaria e cila aktualisht kryeson BE-në, ofron përkrahje të pakushtëzuar për Maqedoninë, si dhe për të gjithë Ballkanin Perëndimor.
Ministrja potencoi se reformat janë çelësi i përafrimit drejt BE-së dhe se këto reforma do të jenë në krye të agjendës për të mirën e qytetarëve dhe shtetit.
Në takim u diskutua edhe për aktivitetet e ardhshme rreth realizimit të mjeteve të siguruara me huamarrje nga Banka Eksport-Import nga Hungaria. Është e nevojshme të theksohet se këto mjete do të shfrytëzohen për përkrahjen e komunave dhe rritjen e ekonomisë lokale, si dhe për përkrahjen e kompanive. Pritet të ndërmerren aktivitete për vazhdimin e një bashkëpunimi të tillë. Marrëveshja e humarrjes, ashtu siç u theksua në takim, pritet të nënshkruhet në gjysmën e parë të muajit tetor.
Ministrja e Financave Gordana Dimitrierieska-Koçoska në këtë takim u shoqërua edhe nga sekretarja shtetërore e Ministrisë së Financave, Andriana Matlioska dhe shefja e kabinetit, Katerina Antovska.
Dimitrieska Koçoska – Varga: Hungaria është partnerja jonë e fuqishme evropiane appeared first on Telegrafi.
