BDI ka reaguar në lidhje me ligjin e ri për lojërat e fatit, i cili dje kaloi në Qeveri. Nga kjo parti thonë se VLEN-i premtoi se do t’i mbyllte kazinotë, por i solli më afër
“Sot, falë tyre, kazinotë i kemi më afër se kurrë, midis lagjeve, pranë shkollave, përballë xhamive, kudo. Nga “mbyllja totale”, në praninë totale. Kjo është ironia e zezë e një fushate të ndërtuar mbi gënjeshtra, ku premtimi ishte mbyllja, ndërsa rezultati është lulëzimi i industrisë së bixhozit”.
“Kur industria e lojërave të fatit protestonte përballë Kuvendit, VLEN-i nuk ishte në anën e qytetarëve, ishte në anën e kazinove. Kur u propozua një ligj serioz, që do t’i mbyllte dhe dislokonte bastoret, ata ishin kundër. Kur VMRO hodhi “ashte” në formë postesh dhe privilegjesh, VLEN-i u përfshi i entuziazmuar”.
“Sot ata duan të lavdërohen për një ligj që është më shumë se maskim. Një ligj që s’i prek dot as kazinotë e lagjeve, as bastoret në çdo cep, as bixhozin online që u rrit më shumë se kurrë. Një ligj që është shumë më i dobët se ai që vetë e rrëzuan më parë.A ka nevojë për më shumë prova?”.
“VLEN-i sot përfaqëson më shumë interesat e kazinove sesa të qytetarëve. Nga “luftëtarë të bixhozit” u shndërruan në mbrojtës të tij. Nga premtime me bujë, në mbrojtës të monopolit në këtë industri”, thonë nga BDI.
BDI për Ligjin për kazinotë: VLEN premtoi mbyllje totale, solli prani totale appeared first on Telegrafi.
