Një sulm i madh me raketa ka nisur mëngjesin nga ushtria ruse drejt Ukrainës, duke përfshirë edhe kryeqytetin ku një pjesë e qytetit mbeti pa energji elektrike.
Gjatë valëve të sulmeve ruse në Ukrainë, një raketë fluturoi në drejtim të Polonisë 20 kilometra nga kufiri përpara se të kthehej 180 gradë dhe të shkonte drejt rajonit perëndimor të Lvivit, tre F-16 polakë u ngritën për të kapur raketën.
Këtë e raporton Rbc Ukraine.
Ansa shkruan se ushtria ruse lëshoi 44 raketa dhe 20 dronë, dy të tretat e të cilave u “shkatërruan”, tha komandanti i Forcave të Armatosura të Ukrainës, Valery Zaluzhny.
Nga gjithsej 64 pajisje, forcat ukrainase kapën 29 raketa lundrimi dhe 15 dronë, u njoftua në Telegram.
Kryetari i bashkisë së Kievit Vitaliy Klitschko ndërkohë raportoi se dy linja të tensionit të lartë në kryeqytet u dëmtuan nga mbeturinat e raketave të rrëzuara.
“Disa nga përdoruesit janë aktualisht pa energji elektrike,” tha ai.
Ushtria e Kremlinit sulmoi me raketa Tu-95MS dhe Tu-22M3, raketa balistike dhe dronë.
Kryetari i bashkisë së Kievit njoftoi se pas sulmit rus me raketa Cruise mëngjesin e sotëm, “një zjarr shpërtheu në një bllok apartamentesh në lagjen Holosiiv të kryeqytetit dhe pati të lënduar”.
Forcat Ajrore të Ukrainës raportuan se raketat ruse po vazhdojnë të fluturojnë në drejtim të Kievit.
Një grup tjetër raketash po shkon drejt rajoneve Khmelnytskyi dhe Lviv. Shefi i zyrës presidenciale Andriy Yermak tha se sistemi i mbrojtjes ajrore po funksionon, popullatës i kërkohet të qëndrojë në strehimore.
Një civil u vra mëngjesin e sotëm në sulmet ruse në qytetin e Mykolaiv, një qytet në jug të Ukrainës. Kryebashkiaku Oleksandr Senkevich tha se burri vdiq nga plagët e rënda të marra pasi raketat ruse goditën çatitë e 20 shtëpive. Senkeviç shtoi se ka pasur dëmtime në rrjetet e gazit dhe ujit në qytetin port, siç raporton UNIAN. /vizionplus.tv
