Dy palestinezë u vranë sot nga sulmi i ushtrisë izraelite gjatë një bastisjeje në një kamp refugjatësh në zonën e Hebronit, në pjesën jugore të Bregut të pushtuar Perëndimor, njoftoi Ministria e Shëndetësisë palestineze.
Dy palestinezët, të moshës 17 dhe 31 vjeç, u vranë nga ushtarët izraelitë në një operacion ushtarak në kampin e refugjatëve Fawar në pjesën jugore të Hebronit, sipas ministrisë palestineze.
Ushtria izraelite nuk ka komentuar ende për incidentin.
Më shumë se 300 palestinezë në Bregun Perëndimor të pushtuar janë vrarë nga ushtarët, dhe në disa raste nga kolonët izraelitë, që nga fillimi i luftës midis Izraelit dhe Hamasit në Rripin e Gazës më 7 tetor, sipas një raporti të qeverisë palestineze. /vizionplus.tbv
