Një burrë 58-vjeçar, i cili duket shumë më i ri se mosha e tij aktuale, ka zbuluar sekretin e pamjes së tij rinore.
Chuando Tan, një yll i dikurshëm i popit nga Singapori , ndan foto në llogarinë e tij në Instagram që i kanë lënë njerëzit të mahnitur në moshën e tij të vërtetë, ndërsa ai tregon lëkurën e tij pa rrudha dhe një trup të palestruar.
Tan, i cili fillimisht u bë viral në vitin 2017 pasi një faqe në internet kineze shfaqi profilin e tij në Instagram, fitoi një mori ndjekësish falë trupit të tij që e bën të duket dekada më i ri se sa është në të vërtetë.
Imazhet e 58-vjeçarit kanë qarkulluar edhe një herë në rrjetet sociale, duke lënë njerëzit të mahnitur për pamjen e tij sfiduese ndaj moshës, por ai më parë ka zbuluar sekretin për të mbajtur një formë kaq të mirë, pavarësisht se është vetëm disa vite larg të 60-ave.
Tan është shprehur se kjo pamje e tij vjen falë një diete të rreptë. Ai thotë se një mëngjes tipik përbëhet nga proteina, ose bollgur me vezë, mjaltë dhe avokado, ndërsa dreka dhe darka do të përbëhen nga një proteinë e zier në avull ose e pjekur në skarë, si pulë ose peshk, në një lëng mishi me oriz.
Ndërsa ai shmang ushqimin e përpunuar, por nuk i përjashton plotësisht ëmbëlsirat nga dieta e tij dhe ha tempura ose ëmbëlsirë të tilla si akullore me raste.
“Unë nuk mendoj se jam aq i bukur në atë masë sa të bëhem viral për të qenë vërtet i sinqertë. Do të doja të mendoja se njerëzit më ndjekin sepse ashtu siç jam 56 vjeç, ndoshta kjo u jep atyre pak shpresë për të mësuar një ose dy gjëra për të jetuar një mënyrë jetese të shëndetshme”, tha Tan./vizionplus.tv
