Qyteti i Kumanovës për të pestën ditë me radhë nuk ka ujë të pijshëm. Zyrtarët e ndërmarrjes publike “Ujësjellësi” dhe qytetarët janë në pritje të rezultateve përfundimtare të mostrave të marra nga qendra e shëndetit publik. Afatet ligjore janë vendimtare dhe kërkohen tri analiza vijuese të mostrave të marra nga vende të ndryshme. Rekomandimet e bëra nga autoritetet është që uji të zihet dhe të përdoret si teknik deri në konfirmimin përfundimtar nga qendra e shëndetit publik.
Drejtori i Ndërmarrjes Publike “Ujësjellësi”, Oliver Stojmanovski, ka theksuar se, sipas procedurave ligjore, rezultatet e tri analizave të njëpasnjëshme të mostrave të marra nga dhjetë lokacione nëpër qytet duhet të marrin të martën deri në ora 14:00. Ai shtoi se edhe sot do të merren mostra nga dhjetë loakacione për analiza kimike dhe mikrobiologjike.
Ndërkaq, ekipet e Qendrës së Shëndetit Publik kanë marrë rezultatet e para të enjten, të dytin të premten dhe të tretin të shtunën, çdo analizë zgjatë 48 orë.
Edhe nga Spitali i Përgjithshëm i Kumanovës informojnë se deri në rezultatet përfundimtare pacientët do të dërgohen në klinikat dhe spitalet e Shkupit.
Nga informacionet e deritanishme, tetë objektet e çerdhes “Angel Shajce”dhe Shtëpia e të Moshuarve kanë ujë të pijshëm që është blerë nga dy institucione. Të dielën, përveç gjendjes së ujit dhe testimit të turbullirës, ndodhi edhe një defekt i madh në tubacionin kryesor para shkollës fillore “Koço Racin, i cili la pa ujë banorët e lagjes Zelen Rid.
Përndryshe më 21 maj të këtij viti, institucionet kompetente kanë njoftuar opinionin se uji ka qenë i turbullt dhe i pa-pijshëm për shkak të reshjeve të dendura të shiut dhe breshëritë që ranë në Likovë.
Banorët e Kumanovës ende pa ujë të pijshëm, presin rezultatet e analizave appeared first on Telegrafi.
