The Economist
Përktheu: Vizionplus.tv
Moti më i ngrohtë do të thotë se sulmet e furishme të raketave dhe dronëve të Rusisë ndaj infrastrukturës elektrike dhe gazit nuk do të jenë aq të dëmshme për ndikimin e tyre në popullatë.
Me ngritjen e temperaturave, shkrin toka në Ukrainën lindore dhe sigurisht kjo shoqërohet me baltë, e cila pengon sulmet masive ruse në front, pork jo nuk do të zgjasë shumë.
Me ardhjen e verës, rriten shumë shanset që rusët të ndërmarrin një sulm masiv ndaj linjave të mbrojtjes së Ukrainës, siç bën edhe vitin e shkuar.
Dhe në kushtet që është sot, Ukraina duket më pak e aftë të përballojë një sulm të tillë, siç e përballoi vitin e kaluar.Kjo është arsyeja pse ajo duhet urgjentisht të mobilizojë më shumë trupa dhe të ndërtojë mbrojtje më të fuqishme në vijën e parë.
Ukrainasit, në mënyrë të kuptueshme, fajësojnë politikanët botërorë për gjendjen e tyre.
Të zënë me Lindjen e Mesme, zgjedhjet e ardhshme dhe problemet e tyre ekonomike, aleatët perëndimorë të Ukrainës janë të hutuar.
Vendimi i republikanëve në Kongres që mbështesin Trumpin për të bllokuar paketën ushtarake prej 61 miliardë dollarësh të administratës Biden për Ukrainën, ka një efekt në vijën e parë dhe mbi qytetet e Ukrainës.
Ushtarët e Ukrainës po detyrohen të racionojnë predhat e tyre, ndërsa Rusia i tejkalon ata në disa vende në një raport pesë me një. Më shumë se 150 dronë dhe raketa u lëshuan kundër Ukrainës vetëm në një natë javën e kaluar.
Bllokimi i Amerikës rrezikon ta lërë Rusinë të lirë të thyejë linjat mbrojtëse të Ukrainës.
Dhe evropianët nuk janë në pozicione më të mira pavarësisht retorikës agresive të Macron, i cili thotë se Rusia duhet mposhtuar medoemos, por po bën pak për të dërguar mjete ushtarake në front.
Ngjashëm është edhe kancelari gjerman Scholz, i cili refuzon të dërgojë raketat e fuqishme Taurus.
Evropa ka dështuar të përmbushë objektivin e saj për të dërguar 1 milion predha në Ukrainë. Europa duhet të ndihmojë edhe me këtë. Por Polonia dhe Franca, ndër të tjera, po përpiqen të bllokojnë eksportet jetike bujqësore të Ukrainës në mënyrë që të mbrojnë fermerët e tyre.
Megjithatë, Ukraina nuk mund të fajësojë thjesht aleatët e saj. Ukrainasit kanë problemet e tyre. Njëri prej këtyre gabimeve ka të bëjë me numrin e rekrutëve të rinj.
Rusia po përgatitet për një valë tjetër mobilizimi duke ndërtuar kështu terrenin për një sulm të madh në verë. Sulmi terrorist në një sallë koncertesh në Moskë më 22 mars mund ta bëjë këtë më të lehtë për Vladimir Putinin, i cili po e përdor atë për të pohuar se Rusia duhet të jetë e fortë përballë armiqve gjakatarë.
Por në Ukrainë përpjekjet për të mbledhur rekrutë të rinj janë ende të mbërthyer në proceset demoratike të vendit. Parlamentit ukrainas i duhet të bëjë 1000 ndryshime ligjore për t’i dhënë dorë më të lirë ushtrisë në drejtim të rekrutimeve të reja.
Me mungesë parash dhe me frikë nga ulja e popullaritetit, Presidenti Volodymyr Zelensky nuk është përpjekur mjaftueshëm për të rritur numrin e rekrutëve.
Ukraina ka qenë gjithashtu shumë vonë në përforcimin e pozicioneve të veta mbrojtëse. Në një farë mënyre, kjo është e kuptueshme.
Qeveria ende ëndërron për një kundër-ofensivë të re dhe i trembet idesë se vija e tanishme e frontit mund të ngurtësohet në diçka shumë të ngjashme me kufirin, një e tillë që u kushton atyre një të pestën e vendit dhe i privon atij pjesën më të madhe të aksesit në det.
Ideja që kjo linjë mund të bëhet baza për negociatëapaqeje në të ardhmen është pikërisht ajo që Zelensky ka dashur të shmangë.
Por rreziqet tani janë aq të mëdha sa që kjo është alternativa më pak e keqe. Javët e fundit ukrainasit kanë nisur të gërmojnë llogoret e tyre dhe të vendosin pengesa për tanket. Kjo duhet të kishte nisur shumë më herët. Lutuni që të mos jetë vonë! /vizionplus.tv
