18 plumba për “marrëveshje personale” i morën jetën biznesmenit grek Kristos Jalias. Këto janë përfundimet më të fundit që ka nxjerrë policia greke. Sipas asaj që raportojnë mediat, bëhet me dije se lidhjet personale por edhe aktivitetet e biznesit dyshohet të jenë motivet e vrasjes së biznesmenit.
Kristos Jalias, i cili ishte biznesmen i fuqishëm, e kishte shtrirë aktivitetin e tij edhe në Shqipëri. Ai ishte i martuar me një vajzë nga Elbasani me të cilën kishte edhe një fëmijë.
Jalias së fundmi e kishte shtrirë aktivitetin e tij edhe në sport, ku kishte marrë përsipër pastrimin e ambienteve në Lojërat Olimpike, vend në të cilin mund të kishte krijuar shumë armiq, ndërsa Policia po heton edhe mundësinë që të ishte zgjeruar në aktivitete të reja. Në këtë kuadër janë kontrolluar raporte të ndryshme por nuk janë konfirmuar.
Një nga skenarët ishte përfshirja e tij në kontrabandën e cigareve, e cila është kthyer në një fushë veprimi të njohur, duke qenë se, sipas të dhënave zyrtare, më shumë se 20% e cigareve të trafikuara në Greqi janë të paligjshme.
Kristos Jaliasit disa vite më parë në rrethana misterioze i vranë partneren e tij, ngjarje kjo që edhe sot ka mbetur pa autor./vizionplus.tv
