Gjykata Themelore Penale në Shkup i ka shqiptuar dënim me kusht prej dy vitesh pa ndalesë në ushtrimin e profesionit të pandehurës së dytë në rastin e onkologjisë, onkologes Meri Peshevska, nëse në afat prej pesë vitesh nuk kryen vepër të re penale. Para dy seancave gjyqësore, Peshevska pranoi veprën e trajtimit neglizhent ndaj pacientëve, pas së cilës procedura penale kundër saj është ndarë.
Peshevska së bashku me ish drejtorin e Klinikës së onkologjisë Nikolla Vasev dhe dy onkologë të tjerë u akuzua për trajtim neglizhent të pacientëve.
Sipas aktakuzës, ata ngarkohen për veprat penale “krime të rënda kundër shëndetit të njerëzve” dhe “trajtim neglizhent”, ku ndaj 29 pacientëve janë aplikuar terapi të papërshtatshme, me lëshime në dozë dhe pa një vlerësim adekuat të gjendjes së tyre shëndetësore.
Onkologia Peshevska para Gjykatës se nuk është e sigurt nëse kishte vazhduar terapinë për shtatë pacientët për të cilët akuzohej, sepse, siç tha, “vula e saj atë kohë ka qëndruar në sportel me qëllim ofrimin e shërbimit të shpejtë për pacientët”. Në fjalën e saj përfundimtare, ajo theksoi se tërë jetën e saj ia kishte kushtuar pacientëve dhe se ishte punësuar në Klinikën e onkologjisë që nga viti 2002 dhe nga viti 2007 ka qenë onkologe specialiste.
Përveç kësaj, kundër Vasevit dhe ish drejtorit ekonomik të Klinikës, Nehat Nuhiu ka edhe në akuzë tjetër për shpërdorim të detyrës në dëm prej mbi 2.2 miliardë denarë për buxhetin e shtetit.
