Gara për komunat duket të jetë shumë e rëndësishme për partitë politike. Madje, disa ministra do ta braktisin pushtetin qendror për të drejtuar me komuna. Kjo mund të jetë shkas për një rikonstruim të qeverisë në vjeshtë.
Zëvendëskryeministri i parë Izet Mexhiti do të garojë për Çairin ballë për ballë ndaj Bujar Osmanit, kandidat i Frontit Evropian. E nëse fiton, në vend të tij si zëvendëskryeministër do të vjen deputeti Bekim Sali.
“Pasi që Ministrat aktual ti marrin mandatet e kryetarëve të komunave dhe besimin e popullit, pastaj ne do të iniciojmë ndryshime ose reformatim të qeverisë. Padyshim që do të mundohemi që ato vende të boshatisura në bashkëpunim me partnerë të koalicionit t’i zëvendësojmë me emrat të cilët do ta vazhdojnë këtë politikë shumë të mirë që po e bën koalicioni ose partia VLEN”, tha Driton Sulejmani.
Një tjetër anëtarë i cili mund ta braktis kabinetin qeveritar është ministri i politikës sociale Fatmir Limani. Por kush mund të vjen në vend të tij?
“Në vend të z.Limanit, për ministër ende nuk janë diskutuar emrat. Pasi që z.Limani ta marr mandatin e kryetarit të Kërçovës, në bashkëpunim me partnerët e koalicionit edhe liderëve të VLEN-it do të gjejmë emrin më të mirë të mundshëm, mirëpo për momentin nuk kemi opscione ose nuk përflitet asnjë emër. Fokusi jonë kryesor është që të korrim rezultat sa më të mirë zgjedhjet e tetorit ose zgjedhjet lokale”, tha Sulejmani.
Ndryshe nëse Bekim Sali do të emërohet zëvendëskryeministër në vend të Mexhitit, Alternativa e Zeqirija Ibrahimit do të ketë edhe një post të rëndësishëm pas atij të kryetarit të kuvendit.
S’ka pushime verore për kandidatët e komunave, lokalet mund të sjellin rikonstruim të Qeverisë appeared first on Telegrafi.
