Kryetari i komunës Qendër, Goran Gerasimovski njofton se gjatë vizitës së djeshme të përbashkët me ministrin e Punëve të Brendshme, Pançe Toshkovski dhe kryetarin e Komunës së Kisella Vodës, Orce Gjorgievski, është ngritur tema e vendosjes së kamerave nëpër komuna për të reduktuar shkatërrimin e vendeve sportive dhe këndeve për fëmijë.
“Me ministrin diskutuam mundësinë e shqyrtimit të mundësisë përmes Qytetit të Sigurt, krahas vendosjes së kamerave në bulevardë, të vendosim kamera edhe në këndet e lojërave për fëmijë dhe ato sportive.
Kjo do të diskutohet më tej për të parë nëse ka mundësi që ministria të marrë përsipër apo ne si komuna të marrim disa shpenzime financiare dhe me iniciativën tonë t’i vendosim ato kamera në lokacione të caktuara”, tha Gerasimovski.
Iniciativa e Komunës Qendër u pranua njëzëri nga BNJVL, me qëllim të vetëdijesimit të të rinjve për mbrojtjen e të mirës publike./Telegrafi/
Gerasimovski: Vëzhgimi me video jo vetëm bulevardet, por edhe këndet e lojërave appeared first on Telegrafi.