Në këtë takim ministror të NATO-s dëgjuam retorikë shumë të ndryshme nga takimi i mëparshëm i ministrave të mbrojtjes, por edhe nga mesazhet nga Samiti i Aleancës vitin e kaluar në Uashington, tha ministri i Mbrojtjes në RMV, Vllado Misajlovski pas seancës së sotme të Këshillit të Atlantikut të Veriut në Bruksel.
“Tani me administratën e re të udhëhequr nga presidenti (i Shteteve të Bashkuara, Donald Trump), ne kemi një kontekst krejtësisht të ndryshëm dhe konture të ndryshme dhe vazhdimisht flitet për planin e paqes, të cilin absolutisht e mirëpres.
Ato konturet e reja do të nënkuptojnë negociata se si të arrihet një zgjidhje paqësore, por nga ana tjetër për të gjitha obligimet që do t’i ketë Evropa”, theksoi Misajlovski.
Misajlovski thotë se tani flitet për lloje të ndryshme negociatash, për atë që ka ndodhur gjatë historisë, por edhe se si fuqitë e mëdha mund të jenë udhëheqësit e përpjekjeve për të arritur paqen në Ukrainë.
“Retorika inkurajon se mund të arrihet paqja në periudhën e ardhshme”, shtoi Misajlovski./Telegrafi/
Misajlovski: Në NATO, kemi një kontekst të ri të fokusuar në negociatat e paqes në Ukrainë appeared first on Telegrafi.
