Kryeministri i RMV-së Hristijan Mickoski ka folur për mundësinë e ndarjes së Shqipërisë nga Maqedonia në rrugën drejt BE-së. Ai tha se kjo do të ndodh dhe se është mesazh i keq për popullin.
Mickoski gjithashtu tha se Maqedonia ka bërë shumë të cilat shtetet tjera nuk i kanë bërë, por që pengesë mbetet vetoja bullgare, përcjell Telegrafi Maqedoni.
“Shikoni, kjo me shumë gjasa do të ndodhë, po. Kjo u njoftua që kur isha në Bruksel, dhe u tha. Kjo është sërish diçka me të cilët tregohet mesazh i keq ndaj qytetarëve të Maqedonisë. Sepse ne si shtet kemi kaluar shumë në këto dy dekada e gjysmë, që kur e kemi nisur rrugën tonë drejt anëtarësimit të plotë në BE”, tha mes tjerash Mickoski.
Ndryshe, ambasadorët e vendeve të BE-së një zëri vendosën të fillojnë negociatat me Shqipërinë për anëtarësim në BE.
Kjo do të ndodhë më 15 tetor në Luksemburg, në kuadër të Konferencës Ndërqeveritare “BE-Shqipëri”./Telegrafi/
Mickoski: Ndarja me Shqipërinë do të ndodhë, është mesazh i keq për popullin tonë appeared first on Telegrafi.