Sulmuesi i Kosovës, Baton Zabërgja është larguar nga Dinamo për t’u transferuar në Ukrainë.
Ka qenë klubi i Dinamos që ka bërë publik lajmin, nëpërmjet një postimi në rrjetet sociale.
Në sezonin e kaluar, sulmuesi luajti 36 ndeshje në kampionat dhe realizoi 12 gola.
Postimi i Dinamos:
Faleminderit Baton Zabërgja!
Ndeshja kundër Hajdukut në “Air Albania” ishte e fundit për Baton Zabërgjën me fanellën e Dinamo City, para transferimit në Ukrainë. Dhe “Zabi” luajti siç di vetë, duke vënë “firmën” e tij në suksesin e madh të Dinamos.
Klubi blu dhe veçanërisht presidenti Adrian Bardhi e falënderojnë lojtarin për përkushtimin e jashtëzakonshëm profesional. Shembulli më i mirë i futbollistit që sakrifikon gjithçka për fanellën dhe shokët e ekipit. I dha shumë Dinamos dhe mori po aq shumë prej saj.
Suksese me skuadrën e re në Ukrainë! Do të mbetesh gjithmonë një dinamovit, dera për ty do të jetë gjithmonë e hapur.
Faleminderit Baton Zabërgja!
Faleminderit kampion!
Zabërgja transferohet në Ukrainë / shkruan Gazeta Online Reporteri.net.
