minibus hire Leeds cheap diesel near me uk web hosting online local minibus hire Mot History Check struga Lajm MOT check cloud hosting mortgage calculator online store Local minibus Hire Cheap Fuel Prices
Valon Berisha zyrtarizohet te LASK-u - Shqiperia.info

Mesfushori Valon Berisha është përforcimi më i ri i ekipit nga Austria, LASK Linz. Berisha, të hënën është zyrtarizuar te skuadra elitare e Austrisë, të cilës i është bashkuar si lojtar i lirë. Me LASK-un, Berisha ka firmosur kontratë deri në vitin 2026. 30-vjeçari ka qenë pa klub prej shtatorit të këtij viti kur e shkëputi kontratën me Reimsin e Francës.

Berisha te LASK-u, po shihet si përforcim i rëndësishëm dhe këtë e kanë pranuar edhe drejtuesit e klubit. LASK-u, këtë edicion po lufton për titullin e kampionit të Austrisë dhe aktualisht është i treti në tabelë me 32 pikë, shtatë më pak se Salzburgu që është lider.

“Përfundimisht, Valon Berisha është një transferim i madh për ne, duke pasur parasysh se ai tashmë ka dëshmuar cilësitë e tij disa herë. Ne kemi lojtarë të rinj në ekip, të cilët do të përfitojnë nga përvoja e Berishës. Sukseset e tij flasin vet për Berishën, i cili me klasin e tij do të na ndihmoj shumë”, ka thënë kreu i LASK-ut, Siegmund Gruber.

Ndërkohë, Berisha ka thënë se ndihet tejet i lumtur që do të jetë pjesë e LASK-ut, ekip me të cilin thotë se beson në suksese. “Prej momentit të parë kam qenë i emocionuar pasi jam pjesë e një klubi shumë atraktiv. Po shikoj drejt sukseseve me LASK-un, të cilat jam i bindur se nuk do të na mungojnë gjatë këtyre viteve”, tha Berisha.

Mesfushori e njeh kampionatin e Austrisë, pasi për gjashtë edicione (2012-2018) ka luajtur për Salzburgun, ekip me të cilin ka fituar pesë tituj kampioni. Gjithashtu, Berisha karrierë ka bërë edhe te Vikingu, Lazio, Fortuna Duesseldorfi e Melbourne City. Ai ka edhe 40 paraqitje dhe 4 gola të shënuar me Përfaqësuesen e Kosovës.

Valon Berisha zyrtarizohet te LASK-u / shkruan Gazeta Online Reporteri.net.

Share.
Exit mobile version