Bota e sportit është tronditur dhe filmit nga lajmi për ndarjen nga jeta të legjendës së wrestlingut, Hulk Hogan, në moshën 71-vjeçare.
Lajmi u përhap përmes faqes së njohur Barstool Sports në rrjetin social X (ish-Twitter), e cila publikoi një foto përkujtimore me mbishkrimin: “Hulk Hogan 1953 – 2025”, duke e përshkruar atë si një ikonë të padiskutueshme të kulturës pop dhe wrestling-ut.
Hogan, me emrin e vërtetë Terry Gene Bollea, u bë i famshëm për karrierën e tij në World Wrestling Entertainment (WWE), ku kontribuoi në kthimin e wrestling-ut në një formë të njohur argëtimi familjar në mbarë botën.
Në vitin 1994, ai kaloi në World Championship Wrestling (WCW) dhe ishte një nga themeluesit e grupit të famshëm New World Order (nWo), i cili ndikoi thellësisht në revolucionimin e wrestlingut gjatë viteve ‘90, duke bërë që WCW të tejkalojë për një kohë WWE-në në shikueshmëri.
Megjithatë, dyshime serioze janë ngritur lidhur me vërtetësinë e këtij lajmi. Sipas raportimeve të fundit të datës 22 korrik 2025, Hogan ndodhej në shtëpi duke u rikuperuar nga një operacion i fundit në shpinë, çka sugjeron se publikimi mund të jetë një lajm i rremë ose një homazh i gabuar i përhapur para kohe. Kjo ka shkaktuar reagime të përziera në rrjetet sociale, ku fansat kanë shprehur si trishtim ashtu edhe indinjatë për keqinformimin e mundshëm.
RIP Hulk Hogan. An absolute legend. pic.twitter.com/XLALNclCPA
— Barstool Sports (@barstoolsports) July 24, 2025
Hogan ka pasur probleme të shumta shëndetësore ndër vite, përfshirë operacione të përsëritura në shpinë dhe gjunjë. Megjithatë, deri në ditët e fundit ai raportohej të ishte në gjendje të qëndrueshme. As autoritetet dhe as familja e tij nuk kanë konfirmuar zyrtarisht ndarjen nga jeta, ndërsa mediat janë në pritje të një deklarate të besueshme për të konfirmuar ose hedhur poshtë lajmin.
Në rrjete sociale, fansat po ndajnë momente ikonike, video dhe kujtime nga karriera e tij legjendare, duke e përshkruar si një simbol të qëndrueshmërisë, karizmës dhe frymëzimit në ring. Komuniteti i wrestling-ut, për momentin, mbetet në pritje të së vërtetës për fatin e një prej figurave më të njohura të këtij sporti.
Muaji korrik do të mbahet gjatë në histori të sportit, por për tragjedi, pasi më 3 korrik, vdiq tragjikisht ylli i Liverpoolit, Diogo HJotra, në një aksident me veturë.
Tronditet sërish bota e sportit dhe filmit: Ndahet nga jeta legjenda Hulk Hogan / shkruan Gazeta Online Reporteri.net.
