Sonte na pret super meçi mes Tyson Furyt dhe Oleksandr Usyk.
Ky duel do të zhvillohet në “Kingdom Arena” të Arabisë Saudite me fituesin që do të jetë një kampion i padiskutueshëm i të gjitha kategorive.
Fury është kampion i peshave të rënda në WBC, (34-0-1, 24 KO), kurse Usyk (21-0, 14 KO), mban titujt e peshave të rënda WBA, IBF, WBO dhe IBO.
Tashmë veçse ka filluar nata e boksit, me meçet paraprake që do të zhvillohen.
Usyk dhe Fury do të fillojnë ecjen e tyre në ring për ngjarjen kryesore në orën 00:00 pas mesnate mes së shtunës dhe së dielës. Lufta do të fillojë menjëherë pas kësaj.
Dje janë bërë matjet zyrtare, kur Tyson Fury ka peshuar 118.8 kg, ndërsa kampioni ukrainas Usyk ka peshuar 105kg.
Starton nata e boksit në Arabinë Saudite, në këtë orë nis meçi Fury-Usyk / shkruan Gazeta Online Reporteri.net.
