Kryeministri në detyrë i Kosovës, Albin Kurti, ka shprehur urimet e tij për ekipin e futbollit KF Drenica dhe për kryetrajnerin e tij, Bylbyl Sokoli, pas ngjitjes së skuadrës në Superligën e Kosovës.
Ky sukses erdhi pas një fitoreje të mrekullueshme që KF Drenica arriti në ndeshjen e djeshme, e cila përfundoi me rezultat të pastër dhe të shënuar nga Igball Jashari, një emër që ka një lidhje të fortë me historinë heroike të Kosovës, pasi ai është nipi i heroit kombëtar Adem Jashari.
Në një postim të tij në rrjetet sociale, Kurti tha se ky është një moment i veçantë për të gjithë qytetarët e Skënderajt dhe Drenicës, dhe se ky sukses është pasojë e përpjekjeve të palodhshme të futbollistëve dhe stafit, veçanërisht të kryetrajnerit Bylbyl Sokoli, i cili ka udhëhequr ekipin në rrugën e tij të suksesit.
“Dje, KF Drenica nën udhëheqjen e kryetrajnerit Bylbyl Sokoli ka hyrë në Superligë,” shkruan Kurti. “Në fitoren e djeshme, të tri golat e Drenicës i shënoi Igball Jashari, nipi i Adem Jasharit.“
“I urojmë gjithë qytetarët e Skënderajt e Drenicës dhe po ashtu Profën tonë për këtë sukses të arritur.“
S’e tha asnjë fjalë për dështimin e seancës, Kurti uron Drenicën për rikthimin në Superligë / shkruan Gazeta Online Reporteri.net.
