Një rrahje brutale ka ndodhur para pak minutash tek “Kafet e Rakisë” në Prishtinë, ku janë përfshirë disa persona.
Gazeta Online Reporteri.net publikoi pamje ekskluzive nga momenti i përleshjes, teksa rastin e ka konfirmuar edhe Policia e Kosovës.
Zëdhënësi i Policisë për Prishtinë, Enis Pllana, ka deklaruar për Reporteri.net se përleshja ka ndodhur mes disa tifozëve. Personat që janë përleshur janë tifozë të Dritës dhe Kopenhagës.
“Sot rreth orës 19:00 ka ndodhë një incident, ku disa tifozë janë përleshur mes vete. Policia ka vënë situatën nën kontrollë dhe janë duke marrë veprimet e nevojshme”, ka deklaruar Pllana.
Takimi mes Dritës, kampione e Kosovës, dhe FC Copenhagen, një prej skuadrave më të fuqishme në Danimarkë, pritet të fillojë në orën 20:00 në Prishtinë.
Pas humbjes 2-0 në ndeshjen e parë në Danimarkë, Drita shpreson për një përmbysje historike para tifozëve të saj./Reporteri.net
Rrahje brutale mes tifozëve te “Kafet e Rakisë” në Prishtinë, pamje ekskluzive të momentit kur kërcet boksi, thyhen gotat e rrokullisen tavolinat / shkruan Gazeta Online Reporteri.net.
