Cristiano Ronaldo e realizoi mbrëmë golin e 904-t në karrierë teksa e ndihmoi ekipin e tij Al Nassr drejt fitores me rezultat 2:1 ndaj ekipit Al-Rayyan.
Ylli portugez e realizoi një gol mjaft të bukur me të majtën në minutën e 76-të për fitoren e radhës së ekipit të tij.
E pas lojës, 39 vjeçari e bëri një dedikim special dhe prekës për këtë gol.
Në fakt, ish-futbollisti i Sporting Lisbonës, Manchester Unitedit, Real Madridit dhe Juventusit, golin e sontëm ia dedikoi babait të tij, i cili kishte vdekur disa vite më parë.
“Goli i sontëm ka shije ndryshe… Do të doja që babai im të ishte gjallë sepse sot është ditëlindja e tij. Ky gol është për të”, theksoi përfaqësuesi portugez pas lojës.
Ronaldo ia kushton golin e 904-të në karrierë babait të tij të ndjerë / shkruan Gazeta Online Reporteri.net.
