Roony Bardghjit vëmendja nuk i është ndarë.
Kur Manchester City do të takohet me Copenhagenin në duelin e parë të Ligës së Kampionëve, adoleshenti i krahut të djathtë do të jetë kërcënimi kryesor, sidomos pas golit fitues që realizoi kundër Manchester Unitedit në fazën grupore, shkruan BBC.
Jeta ka qenë plot sfida për 18-vjeçarin, i cili thjeshtë njihet si Roony, transmeton gazeta online Reporteri.net.
I lindur në Kuvajt nga prindërit sirianë, ai është shpërngulur në Suedi bashkë me nënën dhe vëllain në moshën 6-vjeçare dhe më vonë iu bashkua edhe babai. Rrugëtimi i tij futbollistik e ka dërguar atë në klube si Kallinge SK, Rodeby AIF, Malmo dhe pastaj në vitin 2020, Copenhagen.
Si 15-vjeçar, shumë njerëz në Skandinavi e dinin për të. Që prej asaj kohe, me 12 gola në 49 ndeshje të ligës, e ka arsyetuar veten se përse e njihnin të gjithë.
Qëndrimi me këmbë në tokë ishte vendimtar për ngritjen e Roonyt teksa përhapej fjala për kualitetet e tij.
“Ishte shumë i përulur dhe në etikën e punës”, thotë trajneri i Roonyt në Malmo, Jeffrey Aubynn.
“Në fushë e tregonte se kishte besim të madh në aftësitë e veta. Ky kombinim me teknikën që ka, më bindi edhe mua”, ka shtuar ai, përcjell gazeta online Reporteri.net.
Në vitin 2021, në moshën 16-vjeçare, u bë futbollisti më i ri në moshë i Copenhagenit që realizonte vetëm një javë pas debutimit. Emri i tij është lidhur me të gjitha klubet gjigante të Evropës, dhe fati i tij mund të jetë i shkruar për Premier Ligën.
“E ka arsyetuar veten dhe potenciali i tij nuk duhet nënvlerësuar. Ai do të shkojë te një klub i madh i Premier Ligës. Do i përshtatej ekipit që dominon me topin, si Manchester City ose Liverpooli dhe ka karakteristika të ngjashme me Mohamed Salahun”, ka thënë gazetari danez Niclas Degn.
Refugjati që mund të shkëlqejë në Premier Ligë / shkruan Gazeta Online Reporteri.net.
