Real Madrid ka arritur një marrëveshje me Liverpoolin për ta pasur Trent Alexander-Arnold në dispozicion për Kupën e Botës për Klube, e cila nis më 14 qershor në Shtetet e Bashkuara të Amerikës.
Sipas informacioneve të publikuara nga Fabrizio Romano, klubi madrilen do të paguajë një shumë transferimi rreth 10 milionë euro për ta sjellë mbrojtësin anglez në radhët e veta para kohe.
Pjesë e marrëveshjes është edhe mbulimi i pagës së lojtarit për muajt qershor dhe korrik, duke i dhënë mundësinë trajnerit Xabi Alonso ta ketë menjëherë në dispozicion yllin e ri të prapavijës.
Ky veprim nënvizon ambiciet e Real Madridit për të fituar trofeun prestigjioz të Kupës së Botës për Klube dhe për ta integruar sa më shpejt Alexander-Arnoldin në skuadër, përpara fillimit të sezonit 2025/26.
Real Madrid paguan 10 milionë euro për ta pasur Alexander-Arnold në Kupën e Botës për Klube / shkruan Gazeta Online Reporteri.net.
