Leandro Paredes e ka zbuluar një rast aspak të veçantë që i kishte ndodhur me Lionel Messin.
Futbollisti argjentinas e kujton një kohë kur tetë herë fituesi i Topit të Artë i ishte hidhëruar pasi kishte dëgjuar diçka nga ai në ndeshjen mes Paris Saint-Germainit dhe Barcelonës në atë kohë, kur ylli argjentinas ishte pjesë e gjigantit katalunas.
Por, për fatin e mirë të Paredes, gjithçka ishte harruar dhe kishte kaluar me kohë.
“E kisha një periudhë të tmerrshme. Isha duke luajtur për PSG-në dhe ai po luante tek Barça. Ne u përballën me ta në Ligën e Kampionëve. Në atë kohë, nuk kishte tifozë në tribuna shkaku i pandemisë, kështu që gjithçka mund të dëgjohej.”
“Ne ishim duke fituar 2:1 dhe unë iu thash diçka bashkëlojtarëve të mi. AI më dëgjoi dhe me të vërtetë u bë ‘tym’. Për t’i qetësuar gjërat, unë i shkrova të nesërmen mesazh. Më pas, shkuan 1 ditë dhe ai nuk mu përgjigj. Madje, shkuan tre muaj pa mu përgjigjur…”
“Mendoj se ndeshja ishte në shkurt, ndërsa në muajin qershor do të takoheshim me të, para Copa Americas. Kishin kaluar tre muaj pa folur dhe po mendoja, ‘Tash do të takohemi, të shohim se si do të reagojë ai.’ Por, të jem i sinqertë, ai ishte i jashtëzakonshëm.”
“Ne arritëm në të njëjtën ditë, ai më erdhi nga prapa në dhomën e zhveshjes, më hodhi ujë dhe më pyeti se çka po bëja aty aq herët. Dhe, kaq ishte, nuk kishte nevojë as të flisnim për atë punë.”/Express
Paredes: Messi mu hidhërua dhe s’më foli plot tre muaj / shkruan Gazeta Online Reporteri.net.
