Edon Zhegrova ka tërhequr sërish vëmendjen e klubeve të mëdha evropiane, teksa këtë javë është raportuar se Juventus ka pyetur për sulmuesin e Lille.
Megjithatë, bianconerët janë të bllokuar nga situata e Nico Gonzalez, që e bën Olympique Marseille favorit kryesor për të siguruar shërbimet e sulmuesit kosovar.
Gjatë disa ditëve të fundit, është bërë e qartë se Marseille ka intensifikuar përpjekjet për të transferuar Zhegrovën, i cili prej kohësh gjendet në radarin e disa skuadrave të Serie A.
Skuadra e Roberto De Zerbi dëshiron të mbyllë sa më shpejt marrëveshjen, veçanërisht për të shmangur një ofertë të mundshme nga Juventus.
Gianluigi Longari nga Sportitalia konfirmoi se Juventusi ka kërkuar informacion për Zhegrovën gjatë ditëve të fundit, por deri tani kjo ka qenë e gjitha sa ka përparuar interesi i tyre.
Problemi kryesor i bianconerëve është se nuk mund të transferojnë një sulmues të ri krahu pa shitur më parë Nico Gonzalez.
Juventus shpreson që Atletico Madrid të zgjidhë këtë çështje duke siguruar shërbimet e yllit të mëparshëm të Fiorentinës, por situata mbetet në pritje – një vonesë që Marseille dëshiron ta shmangë përmes një negociate të shpejtë. /GazetaExpress
Një lojtar po e bllokon transferimin e Edon Zhegrovës te Juventusi / shkruan Gazeta Online Reporteri.net.
