Fantazisti brazilian, Neymar Jr ka dhënë një deklaratë të fuqishme, duke thënë se pajtohet me komentet e Cristiano Ronaldos rreth Ligue 1.
Neymar Jr luan tek Al-Hilal për momentin në Saudi Pro League.
Para pak ditësh në “Globe Soccer Aëards”, superylli portugez, Cristiano Ronaldo ka thënë se liga saudite është më e mirë se Ligue 1, pasi aty nuk ka konkurrencë dhe se vetëm PSG-ja është e fortë.
Të njëjtin mendim e ndanë edhe braziliani Neymar Jr, i cili më herët kishte luajtur për Parisin.
“Pajtohem me Ronaldon, Tani për tani, mendoj se Saudi Pro League është më e mirë se Ligue 1. Niveli i ligës saudite po rritet dhe lojtarët janë më të mirë. Por edhe Ligue 1 ka të veçantat e saj, pasi e njoh mirë si ligë”, ka thënë Neymar për “CNN”.
Neymar ka luajtur për PSG-në që nga viti 2017 deri më 2023, kur u transferua tek Al-Hilal.
Neymar: Pajtohem me Ronaldon, liga saudite më e mirë se Ligue 1 / shkruan Gazeta Online Reporteri.net.
