Këtë të shtunë në orën 21:00 në Mynih do luhet finalja e Champions League për edicionin 2024-25. Ndeshja vendos përballë PSG-në dhe Interin, për herë të parë në një ndeshje zyrtare, që vlen trofeun më të madh në Evropë.
Në historinë mes tyre dy skuadrat janë përballur pesë herë në miqësore, nga të cilat tre kanë folur për francezët e PSG-së dhe në dy raste për italianët e Interit.
E ndërsa ndeshja do pak orë të fillojë, në Mynih nuk kanë munguar përplasjet mes tifozëve. Bild raporton se ka përplasje të vazhdueshme dhe të dhunshme mes tifozëve në metro.
Tifozët e Interit kanë qëlluar me gurë drejt mbështetësve të PSG-së në stacionin Fröttmaning. Gjithashtu ka përleshje midis kampeve të tifozëve në stacionin e trenit. Sipas Bild ndërhyrja e policisë ka qenë e shpejtë ndërsa tifozët e parë tani po shkojnë në stadium.
Ndeshja PSG-Inter: Tifozët përplasen në metro, policia përdor gaz lotsjellës / shkruan Gazeta Online Reporteri.net.
