NBA miratoi unanimisht shitjen e skuadrës së basketbollit Boston Celtics, për një vlerë prej 6.1 miliardë dollarësh, e dyta më e madhe për një klub sportiv profesionist amerikan.
Në qershor, u shit për 10 miliardë dollarë ekipi i basketbollit Los Angeles Lakers, që u ble nga miliarderi Mark Walter.
Liga Amerikane e Basketbollit informoi se transaksioni pritet të mbyllet së shpejti.
Kur kjo të ndodhë, miliarderi Bill Chisholm do të marrë në pronësi të paktën 51% të ekipit, me kontroll të plotë në vitin 2028, me një çmim që mund ta çojë vlerën totale në 7.3 miliardë dollarë.
Chisholm është partneri menaxhues i Symphony Technology Group, fond investimesh me qendër në Kaliforni. Grupi i ri i pronarëve përfshin Rob Hale, i cili është një aksioner aktual i Celtics, dhe Bruce Beal Jr.
Celtics janë një nga ekipet me më shumë histori në NBA, me një rekord prej 18 kampionatesh, më i fundit në vitin 2024.
NBA miraton shitjen e Boston Celtics / shkruan Gazeta Online Reporteri.net.
