Milani është shfaqur mbrëmë me një ofertë të re për Ardon Jasharin.
Oferta e re e “Rossoneri” për yllin shqiptar është 32.5 milionë euro, e cila me bonuse mund ta kapë shifrën e 38 milionë eurove, njofton gazetari sportiv italian dhe njëherësh eksperti i transferimeve, Fabrizio Romano.
Interesim për yllin shqiptar krahas Milanit kanë shfaqur edhe Borussia Dortmund, Manchester United, Manchester City, Paris Saint-Germain e Bayer Leverkusen.
Mirëpo, prioritet total i 22 vjeçarit është klubi Kuqezi.
Tash, topi është tek Club Brugge, i cili e mban kartonin e futbollistit.
Paraprakisht, belgët i kërkonin 40 milionë euro për futbollistin më të mirë të vitit në Belgjikë.
Në sezonin 2024/25, futbollisti shqiptar nga Maqedonia e Veriut i ka zhvilluar 52 ndeshje dhe i ka shënuar 4 gola dhe i ka bërë 6 asistime me ekipin belg.
Vlera në treg e kartonit të Jasharit është 32 milionë euro, sipas faqes së specializuar për vlerësimin e futbollistëve – Transfermarkt.
Jashari ishte transferuar në Club Brugge vitin e kaluar nga Luzerni për 6 milionë euro dhe kishte nënshkruar me klubin belg deri në qershor të vitit 2029.
Jashari është sot njëri prej futbollistëve më të mirë shqiptarë.
Krahas tij, drejtori sportiv i Milanit, Igli Tare ia ka vënë syrin edhe shqiptarit tjetër Granit Xhaka, i cili qe dy vjet po luan me plot sukses në Gjermani me Bayer Leverkusenin. /Express
Milani shfaqet me ofertë të re për Jasharin, e cila mund të arrijë deri në 38 milionë euro / shkruan Gazeta Online Reporteri.net.
