Ish-futbollisti i Barcelonës, Lionel Messi, ka thënë se Real Madridi është skuadra më e mirë në botë, gjatë një interviste për Infobae.
Ai foli për plot gjëra, teksa iu përgjigj edhe pyetjeve pikante.
“Ekipi më i mirë është Real Madrid. Është fituesi i fundit i Ligës së Kampionëve”, tha Messi, i cili tani është pjesë e Inter Miami në MLS.
“Nëse është për shkak të rezultateve, është Real Madridi. Nëse është se kush luan futboll më cilësor, atëherë Manchester City i Pep Guardiolës”, deklaroi Messi.
Në të njëjtën intervistë, Messi rrëfeu se nuk e kishte parë reprizën e finales së Kupës së Botës në Katar.
“Kujtimet e mia janë të gjitha aty. Mbaj mend ato që mbaj mend. Ka shumë gjëra që ndoshta më ikin. Por mirë, tani për tani do ta mbaj atë që kam, pa e rishikuar”, tha Messi.
Messi: Reali, ekipi më i mirë në botë shkaku i rezultateve / shkruan Gazeta Online Reporteri.net.
