Florian Wirtz është zyrtarisht një lojtar i Liverpool. Njoftimi është dhënë nga klubi gjerman Bayer Leverkusen, që bën të ditur arritjen e marrëveshjes dhe largimin e fantazistit pas pesë sezoneve.
Wirtz ishte një nga lojtarët më të kërkuar në fillim të merkatos, me klube si Bayern Munich dhe Manchester City, që shfaqën interes, por Liverpool u tregua më i shpejtë për të mbyllur akordin.
Për transferimin e 22-vjeçarit, klubi anglez ka paguar rreth 140 milionë euro në arkat e Leverkusen dhe bëhet afrimi më i shtrenjtë në historinë e klubit.
Florian Wirtz is a Red. pic.twitter.com/g8Sw65eGxT
— Liverpool FC (@LFC) June 20, 2025
Wirtz ka firmosur kontratë pesëvjeçare dhe menjëherë do të vihet nën urdhrat e trajnerit Arne Slot. Fantazisti gjerman bëhet lojtari i dytë që afrohet te Liverpool nga Leverkusen, pas Jeremie Frimpong.
Liverpool zyrtarizon Wirtz, detajet e kontratës / shkruan Gazeta Online Reporteri.net.
