Diogo Jota arriti kulmin e karrierës së tij futbollistike këtë sezon, si me klubin ashtu edhe me kombëtaren, duke fituar titullin e Premier League me Liverpool dhe duke ndihmuar Portugalinë të triumfojë në finalen e UEFA Nations League, shkruan BBC, përcjell Reporteri.net.
Ai e nisi karrierën me skuadrën portugeze Paços de Ferreira dhe u bashkua me Atletico Madrid në vitin 2016.
Jota pati huazime të suksesshme me Porto-n dhe Wolves, duke ndihmuar këta të fundit të ngjiten në Premier League në vitin 2018, përpara se të transferohej përfundimisht në klubin anglez gjatë verës së atij viti.
Pas dy vitesh në West Midlands, sulmuesi realizoi një transferim me vlerë 41 milionë paund në Liverpool, ku shënoi 65 gola në 182 paraqitje gjatë pesë sezoneve në Anfield.
Me Liverpool-in, ai fitoi gjithashtu: 1 FA Cup (2022) dhe 2 EFL Cup (2022 & 2024)
Në arenën ndërkombëtare, Jota shënoi 14 gola në 49 ndeshje për Portugali./Reporteri.net
Kulmin e arriti këtë sezon, karriera e yllit të Liverpoolit Diogo Jota që vdiq sot tragjikisht / shkruan Gazeta Online Reporteri.net.
