Kryetari i Federatës së Futbollit të Kosovës, Agim Ademi, ka takuar Leon Avdullahun në qytetin zviceran të Bazelit.
Ademi e ka përgëzuar futbollistin e ri për sukseset e tij të fundit – fitimin e titullit me FC Basel dhe transferimin në Bundesliga te TSG Hoffenheim, një hap i madh në karrierën e tij.
“Një kafe në Bazel me yllin e futbollit, Leon Avdullahu. E urova për titullin e fituar me FC Basel dhe transferimin në TSG Hoffenheim”, ka thënë Ademi.
Leon Avdullahu, që aktualisht përfaqëson Zvicrën në nivelet kombëtare, është në qendër të vëmendjes për mundësinë e kalimit të tij në përfaqësimin e Kosovës në të ardhmen, diçka që mbetet një çështje e hapur dhe që po ndiqet me interes nga Federata e Futbollit të Kosovës.
Mbetet të shihet në të ardhmen nëse do t’i bashkohet apo jo Kosovës.
Kryetari i FFK-së, Agim Ademi, takohet me talentin Leon Avdullahu, a po i bashkohet mesfushori Kosovës? / shkruan Gazeta Online Reporteri.net.
