Sipas Marca, Carlo Ancelotti do të diskutojë rezultatet e dobëta të Real Madrid-it në një takim me presidentin Florentino Perez në ditët në vijim.
Skuadra e Ancelottit është vetëm dy pikë poshtë Barcelonës në La Liga, por rezultatet në Champions League kanë qenë befasuese, me tre humbje dhe dy fitore në pesë ndeshjet e para.
Los Merengues kanë humbur dy ndeshje radhazi në Champions League kundër Milanit dhe Liverpoolit.
Sipas Marca, Perez dhe Ancelotti do të analizojnë situatën në një takim para ndeshjes së radhës në La Liga kundër Getafes.
Raportohet se besimi i Florentino Perez te trajneri italian nuk është vënë kurrë në dyshim, megjithatë takimi i ardhshëm do të qartësojë nëse Perez dhe Ancelotti janë ende në të njëjtën linjë mendimi.
Sipas raportit, Ancelotti pa një qëndrim pozitiv nga ekipi në ndeshjen kundër Liverpoolit, ndryshe nga ajo që kishte parë gjatë humbjes 3-1 në shtëpi kundër Milanit.
Relevo raportoi më herët këtë javë se Ancelotti mund të shkarkohej nëse humbjes kundër Milanit do t’i pasonte një tjetër humbje në La Liga. Megjithatë, Los Merengues arritën të fitojnë 4-0.
Kriza te Reali, Ancelotti do të takohet me Florentino Perezin / shkruan Gazeta Online Reporteri.net.
