Ardon Jashari e ka kaluar rekordin e Charles De Ketelaere për transferimin më të shtrenjtë në histori të futbollit belg.
Por, ylli shqiptar ka nisur të lërë gjurmë menjëherë edhe tek klubi i tij i ri, Milan.
Përfaqësuesi zviceran në fakt ka hyrë në podium sa u përket mesfushorëve më të shtrenjtë që i ka blerë gjiganti italian ndonjëherë.
Pozita e parë i takon Rui Costas, për të cilin “Rossoneri” kishin shpenzuar më së shumti në histori, sa u përket mesfushorëve.
E mesfushori i dytë më i shtrenjtë i Kuqezinjve është Lucas Paqueta, për të cilin Milani i kishte shpenzuar 38.4 milionë.
Për Jasharin, shtatë herë kampioni evropian i ka shpenzuar 34 milionë + 2 prej bonuseve për kualifikim në Champions në sezonin tjetër, që i bie 36 thuajse të sigurta për Club Brugge.
Plus tre milionë të tjerë mund të zbarkojnë në kasat e klubit belg nga bonuset më të vështira.
Më poshtë mund t’i shohim në detaje Top 10 mesfushorët më të shtrenjtë në histori të Milanit:
1. Rui Costa
Nga Fiorentina në Milan në vitin 2001 për 41.32 milionë euro
2. Lucas Paqueta
Nga Flamengo në Milan në vitin 2019 për 38.4 milionë
3. Ardon Jashari
Nga Club Brugge në Milan në vitin 2025 për 36 milionë
4. Franck Kessie
Nga Atalanta në Milan në vitin 2019 për 32 milionë
5. Tijjani Reijnders
Nga AZ Alkmaar në Milan në vitin 2023 për 24.8 milionë
6. Hakan Calhanoglu
Nga Leverkuseni në Milan në vitin 2017 për 22.3 milionë
7. Samuele Ricci
Nga Torino në Milan në vitin 2025 për 23 milionë
8. Clarence Seedorf
Nga Interi në Milan në vitin 2002 për 22.5 milionë
9. Yunus Musah
Nga Valencia në Milan në vitin 2023 për 21.2 milionë
10. Andrea Bertolacci
Nga Roma në Milan në vitin 2015 për 21 milionë./Express
Jashari në mesin e tre mesfushorëve më të shtrenjtë që i ka blerë ndonjëherë Milani / shkruan Gazeta Online Reporteri.net.
