Gazzetta dello Sport konfirmon se Kristjan Asllani nuk është më pjesë e projektit të Interit, por mesfushori i kombëtares shqiptare dëshiron të qëndrojë në Serie A dhe tashmë ka refuzuar një transferim përfundimtar prej 15 milionë eurosh te Real Betis.
Asllani është i vetëdijshëm që nuk bën pjesë në planet e trajnerit Cristian Chivu për sezonin 2025-26, veçanërisht pas afrimit të Petar Sucic, i cili debutoi me Interin në Kupën e Botës për Klube këtë verë.
Pavarësisht kësaj, 23-vjeçari nuk dëshiron të transferohet jashtë Italisë. Interi e ka vlerësuar largimin e tij me një shitje të plotë prej së paku 15 milionë euro, çka e bën më të lehtë transferimin në ndonjë klub të huaj — por dëshira e Asllanit është të qëndrojë në Serie A.
Bologna dhe Fiorentina janë përmendur si klube të interesuara, por deri tani vetëm në formë huazimi.
Interi i humbet 15 milionë euro, pas vendimit të Kristjan Asllanit / shkruan Gazeta Online Reporteri.net.
