Futbollisti palestinez Mohamed Barakat u vra në një sulm ajror izraelit në vendin e tij.
Barakat, i cili luajti për kombëtaren palestineze dhe u bë legjendë në futbollin vendas, u vra kur një predhë goditi shtëpinë e familjes së tij, raportoi Al Jazeera.
Mohammed Barakat, i cili luajti për Ahly Gaza dhe Palestinë, vdiq kur shtëpia e tij në Khan Younis u bombardua nga forcat izraelite.
Shtëpia e familjes Barakat u godit nga bomba izraelite herët të hënën, ditën e parë të agjërimit gjatë muajit të shenjtë islamik të Ramazanit.
Mohammed Barakat, a Palestinian football player, was born in Khan Younis in 1984. He gained widespread recognition as the historic top scorer and star of the Palestinian national team. He became the first Palestinian striker to reach 100 goals and was one of the best scorers in… pic.twitter.com/3OD6BN2Fm3
— PALESTINE ONLINE
(@OnlinePalEng) March 11, 2024
Vdekja e tij u quajt një “humbje e madhe për futbollin palestinez” nga Khalid Abu-Habel, një futbollist i klubit lokal.
“Kam luajtur kundër tij”, tha Abu-Habel për Al Jazeera disa orë pasi u konfirmua vdekja e sulmuesit legjendar.
“Ai ishte i shpejtë dhe i zgjuar. Një golashënues i mirë, më i mirë. Jashtë fushës, ai ishte i sjellshëm dhe miqësor. Një mik i dashur për të gjithë.”
Abu-Habel, i cili është gjithashtu mjek dhe punon në Spitalin e Martirëve Al-Aksa, tha se komuniteti i futbollit të Gazës ka “humbur shumë” gjatë luftës së vazhdueshme.
“Sa duhet të humbasim më shumë? Komuniteti sportiv në Gaza thjesht po shembet”, u shpreh ai.
Futbollisti palestinez vritet gjatë një sulmi ajror izraelit / shkruan Gazeta Online Reporteri.net.
