Një futbollist i njohur amerikan, raportohet se është ndër viktimat e sulmit të Vitit të Ri në New Orleans, ku u vranë të paktën 15 persona.
Emrat e tyre po bëhen të ditur nga familjet dhe të afërmit përpara se autoritetet të përfundojnë ekzaminimet pas vdekjes, raporton BBC.
Martin “Tiger” Bech është një ish-futbollist në Universitetin Princeton.
Vdekja e tij u konfirmua në një deklaratë nga universiteti.
“Nuk kishte asnjë pseudonim më të përshtatshëm të një lojtari të Princetonit që kam trajnuar,” tha në një deklaratë trajneri i futbollit të Princeton, Bob Surace.
“Ai ishte një “Tigër” në çdo mënyrë – një konkurrent i egër me energji të pafund, një shok ekipi i dashur dhe një mik i kujdesshëm.”
Vëllai i Martin Bech, Jack Bech, bëri një postim në X së bashku me një artikull lajmesh që raportonte vdekjen e tij.
“Të dua gjithmonë vëlla!” ka shkruar ai.
Bech ishte anëtar i ekipeve të Kampionatit të Ivy League 2016 dhe 2018.
Futbollisti amerikan në mesin e viktimave në sulmin në New Orleans të SHBA-së / shkruan Gazeta Online Reporteri.net.
