Tifozët e Liverpoolit janë shprehur të zemëruar dhe të tronditur pasi fletëpalosjet speciale të shpërndara falas në nderim të Diogo Jotës, gjatë miqësores me Preston North End, kanë përfunduar për shitje në internet me çmime të ekzagjeruara.
Klubi i Preston North End organizoi një seri homazhesh të ndjera për ish-sulmuesin e Liverpoolit dhe vëllain e tij Andre Silva, i cili humbi jetën në një aksident tragjik në Spanjë në fillim të korrikut.
Një prej këtyre nismave ishte një program prej 16 faqesh i shpërndarë falas për të gjithë tifozët që ndoqën ndeshjen e së dielës në stadiumin Deepdale.
Fatkeqësisht, disa individë e kanë përfituar situatën për përfitime personale. Në platforma si eBay, programi falas është listuar për shifra si £75 ($100) dhe £34 ($46).
Një nga shitësit kishte vendosur në shitje katër kopje, prej të cilave dy ishin shitur, çka tregon se janë gjeneruar më shumë se 90 dollarë për një material që ishte menduar si homazh human.
Tifozët e Liverpoolit kanë shpërthyer në rrjete sociale. Njëri prej tyre shkruan:
“Ka disa njerëz vërtet të neveritshëm në këtë botë.”
Të tjerë bënë thirrje për ndalimin e menjëhershëm të shitjes së materialeve të tilla për përfitim personal.
Pavarësisht situatës, ndeshja përfundoi me fitore 3-1 për Liverpoolin, falë golave nga Conor Bradley, Darwin Nunez dhe Cody Gakpo.
Ajo ishte ndeshja e parë e klubit pas humbjes tragjike të Jotës, dhe i gjithë eventi u shënua nga emocione të mëdha.
Një performancë live e këngës legjendare “You’ll Never Walk Alone” u dha para fillimit të ndeshjes, përcjell tch.
Lojtarët e të dyja skuadrave mbanin armbanda të zeza, ndërsa në fushë u vendos një kurorë lulesh pranë tifozëve udhëtues.
Tifozët e Liverpoolit e mbyllën ditën duke kënduar këngën e Jotës, duke krijuar një moment të paharrueshëm solidariteti.
Fletëpalosjet e shpërndara falas në stadium për ta kujtuar Diogo Jotën po shiten në internet me çmime të çmendura / shkruan Gazeta Online Reporteri.net.
