Ousmane Dembélé kundër Lamine Yamal. Kanë mbetur më pak se një muaj nga ceremonia e Parisit, ku do të vendoset Topi i Artë 2025.
Reflektorët janë ndezur në drejtim të dy favoritëve më të mëdhenj” sulmuesi francez, protagonist absolut me Paris Saint-Germainin dhe ylli i lindur i Barcelonës.
Ish-futbollisti “Blaugrana” duket lehtësisht përpara në garë, mbi të gjitha pas triumfit në Ligën e Kampionëve, trofe që shpesh peshon në mënyrë vendimtare në zgjedhjet e jurisë.
Yamal, megjithatë, e zbaviti Evropën me paraqitjet e tij, duke u bërë vetëm tash 18 vjeç, ndërsa është simbol i epokës së re të Barçës.
E për ta zgjedhur më të mirin është përkujdesur Sergio Busquets, i cili u pyet rreth fituesit të këtij trofeu për sivjet.
Mesfushori i Inter Miamit e zgjodhi ish-futbollistin e Barcelonës, i cili sipas tij e meriton Topin e Artë.
“Dembele ka qenë më i miri ndaj të tjerëve dhe e ka pasur më së shumti vazhdimësinë. E dimë se çfarë lojtari është, diferencën që mund ta bëjë dhe për atë që është në gjendje ta ofrojë. Edhe disa djem të Barcelonës do ta meritonin, prandaj unë nuk e di se çka do të vendosin ata që do të votojnë”, deklaroi Busquets.
Dembele apo Yamal? Busquets “e voton” Topin e Artë / shkruan Gazeta Online Reporteri.net.
